نحن نسمع كثيرا عن شبابنا فى الخارج يعملون فى شتى المجالات الغير لائقه بهم تعليمياً وثقافياً فمثلا ترى شباب ينادى على الصحف ويقتحم المطاعم وواجهات دور السنيما والمسارح ويقفون على نواصى الشوراع عند إشارات المرور وفى الميادين ومن هذ الشاب كثيرون من خريجى الجامعات ومنهم ايضا من يعمل فى غسل الصحون داخل المطاعم أو سائقين لسيارات التاكسى أو جرسونات اوباعه ....
دعونا نوجه سؤال هام جدا لشبابنا
لماذا يقبل الشباب خريجو الجامعات حملة الليسانس والبكالوريوس العمل فى هذه الأعمال فى الخارج ولا يمارسونها فى دخال بلادهم ولكن اكيد سوف تكون الأجابه . إنهم فى الغرب يحترمون هذه الأعمال وكل انواع العمل فلا يعيب الانسان ان يعمل جرسونا او جزارا وانما يعيبه ان يكون عاطلا وايضا سوف تقولون ان طبيعه مجتمعنا اليوم يحترمون من يجلس على الكرسى والمكتب وغير ذلك يحتقرونه من يقوم بالاعمال الاخرى السابق ذكرها .
شبابنا
من يمكنه تغيير مفاهيم المجتمع المصرى تجاه انواع العمل المختلفه ويجعله ينظر الى اى عامل بنفس النظره التى ينظر بها لمجتمع الغرب الى كل عامل . لاتقول ان المجتمع لا يتغير
هذا مفهوم خاظأ ... من كان يتصور ان البيت المصرى الذى كان يخبز فى المنزل الان يشترى الخبز من الشارع
من كان يتصور ان الفتاه تخرج الى نطاق العمل وتصبح سفيره ووزيره ومحاميه وايضا طيار تسوق الطائره
اليس كل هذا تغيير فى المجتمع نحن ايها الشباب علينا ان نغير ايضا نظره المجتمع الى اى مهنه فالعمل عباده اى كان هو العمل مادام عمل شريف يخدم البشر والمجتمع ويرضى به الله اذا
لماذا لا نبادر ياشبابنا بالتغيير اليس الشباب هم نهضه الامه والمجتمع العربى .
هو طبعاً الموضوع جميل جداً بس بالنسبة لشباب الى بيسافر و بيرضى بوظائف أقل من المستوى الفكرى والتعليمى دة علشان بلدنا ما وفرتش ليهم فرصة لشغل وظيفة محترمة .. يا لازم يكون عند نا واسطة اللى مش معاه واسطة ولا فلوس فى بلدنا هيفضل طول عمره ماشى جنب الحيط وطبعا اللى بيمشى جنب الحيط بيموت وحنا ايه اللى يجبرنا على ده احنا كلنا بندور على الفلوس لأن الفلوس هى الامان وكل حاجة باستثناء الصحة والعمر والسعادة والستر اللى بييجوا من عند ربنا .. وكمان ادخلى اى مصلحة حكومية فى مصر عشان تخلصى حاجة ليكى هتلاقى الموظفين بيعاملوكى كأنك اسف فى التعبير متسولة جاية تاخدى منهم حسنة وعلى حسب مزاجهم يخلصوا او ميخلصوش وغالبا بياخدوا فلوس فا بيكون السفر مش كمان فلوس وبس لاء دة بيكون طمعا فى حياة كريمة كمان لو انا بتعامل معاملة كريمة زى ما باقى الدول بتعامل شعوبها هسيبها وامشى لية... يا ريت بس اكون وصلت لية الشباب بيرضى انة يشتغل برة فى اعمال ممكن تكون فى نظرنا اقل من امكانيتهم ..
ردحذفانا معاك فى الكلام اللى بتقوله بس مش معنى كده اننا يكون فى شباب هنا قاعد على القهوه ومش بيشتغل وحجته لما تقوله انت مش بتشتغل ليه يقولك ان مفيش واسطه ومفيش شغل من غير واسطه ونفس الكلام اللى حضرتك قولته ده بس تفتكر ان هو ده الحل انه يفضل قاعد على القهوه ويتسكع فى الطرقات لا طبعا . ليه بقى مايشتغلش الشغل اللى بيشتغله بره مؤقتا وفى نفس الوقت يواصل تعليمه من فى مجال تانى غير المجال اللى ماقدرش يعمل منه حاجه اظن ان العمل من المنزل دلوقتى سهل جدا وممكن اى حد يتعلم انترنت ويبدا يحضر دورات تسويق وهو بيعمل العمل البسيط اللى المجتمع مش بيحبه بس ساعتها مش هاتبقى فارقه معاهانه بيتعلم وبيشتغل شوفه الانسان ده بعد سنه او سنتين هايبقى قيمه وهو ده اللى بناقشه نعمل فى اى حاجه مدام شغل شريف وفى نفس الوقت يتعلم لان احنا مش هانطور الى بالعلم والعمل
ردحذف