كلام كلام ....... كلام الناس ؟

كلام كلام ....... كلام الناس ؟

مين فينا كل مايكلم يقول كلام الناس مين فينا مش بيخاف من كلام الناس اقرب كلمه بتتقال اصل الناس بيقولوا او اصلهم بيقولوا مين هما دول اللى بيقولوا ؟ مين الناس اللى انت بتعمل حسابهم فى كل تصرف من تصرفاتك اسالك سؤال ؟ مين اللى خلققك وجعلك مخ وعقل ؟ مين اللى بايده عيشك ورزقك وحياتك ؟ مين اللى بايده فرحك ومعاناتك فى همك ؟

اظن كل دى اسئله كلنا عارفين اجابتها ان الله سبحانه وتعالى من بيديه كل شئ فى الدنيا

كلنا عارفين ومع ذلك لسه بنخاف من كلام الناس تحب اقولك الحاجات اللى كلنا بنخاف منها قد ايه

المطلقه بتخاف من كلام الناس

الارمله بتخاف من كلام الناس

العاطل عن العمل بيخاف من كلام الناس

الفقير بيخاف من كلام الناس

حتى الغنى بيخاف من كلام الناس

العانس بتخاف من كلام الناس

الطالب فى الامتحان بيخاف يرسب من كلام الناس

الناس بتخاف من بعضهم من كلام الناس

تعددت الاسباب والمشكله واحده

هل هو خوف من الناس ام خوف من الشكل او المظهر الذى سيظهر عليه امام الناس !!

ام خوف من رد فعل الناس ام خوف ورهبه من المستقبل المجهول!!

حب انقل اليكم هذه القصه تستحق ان تكون ضمن هذا الموضوع

من نوادر جحا

يقال انه فى يوم من الايام كان جحا وابنه يمشينا مع حمارهما ف انتقدوهما الناس

لانهم لم يستغلو الحمار فى وسيله للنقل

فركب جحا وابنه على الحمار فانتقدوهما الناس مره ثانيه واتهموهما بانهما عديمى الرحمه فكيف يركب اثنان على حمار ضغيف كذلك

فنزل جحا وترك ولده على ظهر الحمار فانتقدوا الناس الابن كيف يركب الحمار واباه يسير على الارض

فنزل الابن وركب جحا فقالو عن جحا انه لا يرحم وانه قاس على ابنه فقام جحا وابنه وحملو الحمار وهم يمشون فضحك الناس عليهما لبلاهتهما !

ومن القصه دى نقدر نقول ان ارضاء الناس شئ صعب جدا جدا

سؤالى ليك

هل بتترك نفسك لكلام الناس

بيهمك كلام الناس لدرجه انك دايما خايف من كلامهم مع ان كلام الناس ممكن يجنن لو مشينا وراه اترك لكم التعليق